Бекободда эр-хотинни пичоқлаган шахс қўлга олинди

Иллюстратив фото

2018 йил 14 октябрь куни Тошкент вилоятининг Бекобод туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, шу туманда яшовчи Қ.А. Фарғона кўчасида яшовчи О.Б.ни уйи олдида у билан ўзаро жанжаллашиб, унга ва уларни ажратмоқчи бўлган, О.Б.нинг рафиқаси С.Б.га пичоқ билан жароҳат етказган. Натижада эр-хотинлар касалхонага ётқизилган. Қ.А. эса қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.