Оренбургда 16 ёшли ўзбекистонлик қиз осиғлиқ ҳолда топилди

Россиянинг Бузулук туманидаги (Оренбург вилояти) посёлкалардан бирида оиласи Ўзбекистондан кўчиб келган 16 ёшли қиз осиғлиқ ҳолда топилган. 

Маълум қилинишича, қизнинг оиласи жорий йилда Ўзбекистондан Россияга кўчиб ўтган. Сентябрда қиз мактабга борган, унинг оиласи бўйича ҳеч қандай шикоят тушмаган, оила миграция муддатларига амал қилган. Қиз ижобий томондан таърифланган.   

Россия тергов қўмитасида балоғатга етмаган қизнинг ўлими тасдиқланган ва бўлиб ўтган воқеа тафсилотлари ва қизнинг яшаш шароити, турмуш тарзи қандай бўлгани аниқлаштирилмоқда. Воқеанинг сабаблари ҳозирча аниқламаган.