Orenburgda 16 yoshli o‘zbekistonlik qiz osig‘liq holda topildi

Rossiyaning Buzuluk tumanidagi (Orenburg viloyati) posyolkalardan birida oilasi O‘zbekistondan ko‘chib kelgan 16 yoshli qiz osig‘liq holda topilgan. 

Ma'lum qilinishicha, qizning oilasi joriy yilda O‘zbekistondan Rossiyaga ko‘chib o‘tgan. Sentyabrda qiz maktabga borgan, uning oilasi bo‘yicha hech qanday shikoyat tushmagan, oila migratsiya muddatlariga amal qilgan. Qiz ijobiy tomondan ta'riflangan.   

Rossiya tergov qo‘mitasida balog‘atga yetmagan qizning o‘limi tasdiqlangan va bo‘lib o‘tgan voqea tafsilotlari va qizning yashash sharoiti, turmush tarzi qanday bo‘lgani aniqlashtirilmoqda. Voqeaning sabablari hozircha aniqlamagan.