Пашинян Арманистон бош вазири лавозимига ягона номзод бўлди 

Арманистон бош вазири вазифасини бажарувчи Никол Пашинян бош вазир лавозимига ягона номзод бўлди.

Пашинян номзоди “Елк” парламент фракцияси томонидан илгари сурилган. Бошқа фракциялар ўз номзодларини таклиф қилмаган. Номзодларни таклиф қилиш учун аризаларни бериш муддати якунига етиб бўлган. 

16 октябрда Пашинян парламентни тарқатиш ва муддатдан олдин парламент сайловларини ўтказиш учун бош вазир лавозимидан истеъфога чиққан. 
Президент Армен Саркисян ҳукуматнинг истеъфога кетказилиши ҳақидаги фармонни имзолаган.

Бош вазир сайловларининг 1-босқичи Арманистон парламентида 24 октябрда бўлиб ўтади.