Қўшимча функционаллар
-
Тунги кўриниш
«Кардифф»нинг янги футболчиси чиққан самолёт радарлардан йўқолиб қолди
«Кардифф Сити»нинг янги футболчиси Эмилиано Сала Франциядан Уэльсга парвоз чоғида ғойиб бўлди.
L’Equipe нашри хабарига кўра, 21 январь куни футболчи «Нант»даги собиқ жамоадошлари билан хайрлашган ва Уэльсга етиб олиш учун хусусий самолётга чиққан. Аммо самолёт қўнишга тахминан бир соат борлигида радарлардан йўқолган. Самолёт аэропортга етиб келмагач, уни қидириш учун икки вертолёт ва бир неча қидирув кемалари йўлланган. Айни вақтда Норманд ороллари яқинида қидирув ишлари давом этмоқда.
«Кардифф Сити» Салани қишки трансферлар вақтида ўз тарихидаги рекорд қийматга - 20,5 млн еврога харид қилганди. Аргентиналик форвард янги клуби билан 2022 йил ёзигача шартнома имзолаганди.
28 ёшли футболчи Франция чемпионатининг жорий мавсуми биринчи даврасида 19 учрашувда майдонга тушиб, 12 гол урган ва 2 голга узатма берганди.
Мавзуга оид
23:01 / 23.09.2019
Икки киши футболчи Сала жасадининг суратлари учун қамоқ жазоси олди
15:07 / 23.05.2019
Сала жўнатган овозли хабар эълон қилинди. У «Кардифф»га ўтишни хоҳламаган
08:00 / 31.03.2019
Саланинг учувчиси дальтонизм туфайли кечаси учиш ҳуқуқига эга бўлмаган
08:22 / 08.02.2019