Шотландия ҳукумати собиқ раҳбари ҳибсга олинди. У шилқимликда айбланмоқда

Шотландия полицияси ҳукумат собиқ раҳбари Алекс Салмондни ҳибсга олди. У бир неча йил муқаддам икки аёлга жинсий шилқимлик қилишда айбланмоқда.

24 январь куни тушдан кейин Салмонд гаров пули тўғрисидаги эшитувларда суд олдида жавоб беради.

Алекс Салмонд - 2007 йилдан 2014 йилга қадар Шотландия ҳукумати раҳбари, минтақа мустақиллиги тарафдори бўлган Шотландия сўл марказ миллий партияси етакчиси. Салмонд шотландияликлар Буюк Британия таркибида қолишга рози бўлган референдумдан бир кун ўтиб истеъфога чиқди. 2017 йилдан бошлаб RT каналида муаллифлик дастурига эга.