Италияда мураббий ўз ҳамкасбини нокаутга жўнатди (видео) 

Италия чемпионатининг кучлилиги бўйича 3-дивизиони – С1 серияда иштирок этувчи “Луккезе” футбол клуби бош мураббийи Жанкарло Фаварин рақиб жамоа мураббийини ургани учун 5 ойлик дисквалификация олди.

Воқеа “Алессандрия” клубига қарши учрашувда юз берган.

@BorgheseAle tutto ok?#LuccheseAlessandria #Favarin #SerieC pic.twitter.com/gC8UDmS8XM

— Matteo Occhiuto (@teoocchiuto) 28 января 2019 г.

Фаварин рақиб жамоа мураббийлар штаби билан тортишгани учун майдондан четлатилган. У рақиб жамоа ўриндиғи олдидан ўтаётганда “Алессандрия” бош мураббийи ёрдамчиси Гаэтано Манчино билан жанжаллашиб, унинг юзига боши билан зарба берган. Жабрланувчи газонга йиқилиб, анчагача ўзига келмаган.

Фавариннинг айтишича, унинг бундай қилишига рақиб жамоа ўриндиғидан айтилган ҳақоратлар сабаб бўлган. Материаллар ўрганилгандан кейин интизом қўмитаси Манчинони икки ўйинга четлаштирган.

Фаварин анча тажрибали мураббий ҳисобланиб, Италия чемпионатининг қуйи дивизионларидаги 20 га яқин жамоага мураббийлик қилган. Таъкидланишича, 60 ёшли мутахассис аввалроқ ўйинчиларидан бирини рақибнинг оёғини синдиришга чақирган.