Пётр Порошенконинг даромадлари маълум бўлди

Фото: AFP

Украина президенти Пётр Порошенко даромадлари ҳақидаги декларацияни эълон қилди. Бу ҳақда РИА Новости Шахслар декларациялари ягона реестри маълумотларига асосан хабар бермоқда.

Қайд этилишича, у жами 19,675 миллион гривнани (709 минг доллар) декларациядан ўтказган.

2019 йилнинг 1 февраль ҳолатига кўра, сиёсатчи «Прайм Эссетс Кэпитал»дан (унинг активларини бошқарувчи инвестиция фонди) 18 550 829 гривна (668,7 минг доллар) дивидендларни декларациядан ўтказди.

Шунингдек, Порошенко «Халқаро инвестиция банки»даги омонатлардан фоизлар кўринишида 1 125 126 гривнани (40,5 минг доллар) декларациялади.

Аниқлик киритилишича, 2019 йил январь ойи бошларида у ўзининг Roshen қандолат корпорациясини бошқарувчи Швейцариянинг Rothschild Trust Schweiz AG’дан 548 678 680 гривна дивидендларни (19,9 млн АҚШ доллари) декларациядан ўтказди.

Тайёрлаган Отабек Матназаров

#Украина #Пётр Порошенко

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.