Pyotr Poroshenkoning daromadlari ma'lum bo‘ldi

Foto: AFP

Ukraina prezidenti Pyotr Poroshenko daromadlari haqidagi deklaratsiyani e'lon qildi. Bu haqda RIA Novosti Shaxslar deklaratsiyalari yagona reyestri ma'lumotlariga asosan xabar bermoqda.

Qayd etilishicha, u jami 19,675 million grivnani (709 ming dollar) deklaratsiyadan o‘tkazgan.

2019 yilning 1 fevral holatiga ko‘ra, siyosatchi «Praym Essets Kepital»dan (uning aktivlarini boshqaruvchi investitsiya fondi) 18 550 829 grivna (668,7 ming dollar) dividendlarni deklaratsiyadan o‘tkazdi.

Shuningdek, Poroshenko «Xalqaro investitsiya banki»dagi omonatlardan foizlar ko‘rinishida 1 125 126 grivnani (40,5 ming dollar) deklaratsiyaladi.

Aniqlik kiritilishicha, 2019 yil yanvar oyi boshlarida u o‘zining Roshen qandolat korporatsiyasini boshqaruvchi Shveytsariyaning Rothschild Trust Schweiz AG’dan 548 678 680 grivna dividendlarni (19,9 mln AQSh dollari) deklaratsiyadan o‘tkazdi.

Tayyorlagan Отабек Матназаров

#Ukraina #Pyotr Poroshenko

2019 yilning 31 martida Ukrainada prezidentlik saylovlari o‘tkaziladi. Saylovda ishtirok etish uchun 44 nomzod, shu jumladan mamlakatning amaldagi prezidenti Pyotr Poroshenko hujjat topshirgan.