Қўшимча функционаллар
-
Тунги кўриниш
«Барселона» президенти: «Бу мавсум ҳеч қандай соврин ютмасак ҳам, Вальверде қолади»
«Барселона» президенти Хосеп Мария Бартомеу бош мураббий Эрнесто Вальвердега ишонишини маълум қилди. Унинг сўзларини RKB`га таяниб, Marca нашр қилган.
«Ишонаманки, Вальверде қолади. У ўз футболчиларига ишонади. Қолаверса, жамоада эндигина иккинчи мавсумини ўтказяпти.
Мақсадимиз – барча мусобақаларда ғалабага эришиш. Жамоани бошқаришни унга ишониб топширганман ва биз ҳеч нарса юта олмаган тақдиримизда ҳам у жамоага мураббийлик қилишда давом этади», – деди Бартомеу.
«Барса» раҳбари, шунингдек, етакчи футболчи Лионель Месси билан шартномани узайтириш бўйича ҳали музокаралар бошланмаганини, аммо бу амалга ошишига ишончи комил эканини ҳам таъкидлади.
«Месси сафимизда ўйнашда давом этади. У – клубимиз аъзоси ва муносабатларимиз умрбод давом этади», - деди клуб президенти.
«Кўк-анорранглилар» президентига кўра, ҳимоячи Жорди Алба билан ҳам битим муддати узайтирилади.
«У жамоамизда ўйнашда давом этиш истагида эканини айтди. Биз унга янги шартнома 5 йиллик шартнома таклиф қилдик. Музокараларимиз давом этишига умид қиламан», – деди Хосеп Мария Бартомеу.
Мавзуга оид
10:44 / 26.05.2025
Ҳакамнинг хатоси «Астон Вилла»ни, «Ювентус»нинг пеналтиси «Рома»ни ЕЧЛсиз қолдирди. Кун ўйинлари
11:33 / 19.05.2025
«Рома» «Милан»ни енгди ва ЕЧЛ учун курашда қолди, «Барса» соврин олган кунида ютқазди. Кун ўйинлари
09:37 / 16.05.2025
«Барселона» — Испания чемпиони! Ямал «Олтин тўп» учун асосий даъвогар
21:21 / 11.05.2025