Эронда ҳакам сабабли футбол учрашуви кўрсатилмади

Эронда Германия чемпионатининг 22-туридан ўрин олган “Бавария”-“Аугсбург” учрашуви давлат телеканали орқали намойиш қилиниши режалаштирилганди.

Бироқ учрашув намойиши бекор қилинган. Немис журналисти Натали Амирининг маълум қилишича, бунга учрашувни аёл ҳакам – 39 ёшли Бибиана Штайнхаус бошқаргани сабаб бўлган. Аёл ҳакамнинг майдонда шортикда ҳаракатланиши Эрон федерал канали орқали намойиш қилиш учун номақбул деб топилган. 

Штайнхаус 2017 йил сентябрда “Ҳерта” ва “Вердер” ўртасидаги учрашувда ҳакамлик қилиб, Бундеслига тарихидаги илк аёл ҳакамга айланганди.