VAR яна можаро марказида. А Серияда гол бекор қилиниб, гол урган жамоа дарвозасига пенальти белгиланди

А Сериянинг 24-туридаги СПАЛ – «Фиорентина» ўйини (1:4) VAR тизими атрофидаги яна бир можароли вазият билан ёдда қоладиган бўлди.

Ўйиннинг 74-дақиқасида СПАЛ гол уриб, 2:1 ҳисобида олдинга чиқиб олди. Аммо VAR рефериси бош ҳакам Лука Пероттога мурожаат қилиб, уни видеотакрорни кузатишга чақирди. Тўп киритилишида ҳеч қандай қоидабузарлик бўлмагани аён эди, аммо ҳакам мезбонлар гол билан якун топган қарши ҳужумга ўтишдан олдин ўз жарима майдонларида фол ишлатишганини қайд этди ва голни бекор қилиб, СПАЛ дарвозасига пенальти белгилади. Меҳмонлар аъзоси 11 метрлик нуқтада адашишмади ва таблодаги 2:1 ҳисоби ўрнини 1:2 эгаллади.

天国から地獄。SPALの勝ち越しゴールかと思いきやその前のDFのチェックがVARになりフィオレンティーナがPK獲得→逆転！#SPAL #フィオレンティーナ #セリエA pic.twitter.com/VSiwSYKRrO

— Footidiota (@footidiota) 17 февраля 2019 г.

Етти дақиқа ичида қуйидагича воқеалар ривожи кузатилди:

72:45. СПАЛ футболчиси ўз жарима майдонида қоидани бузди.
73:20. СПАЛ қарши ҳужумни гол билан якунлади.
74:55. Ҳакам VAR`га мурожаат қилди.
76:35. Ҳакам мезбонлар голини бекор қилиб, улар дарвозасига пенальти белгилади.
78:16. «Фиорентина» футболчиси пенальтидан гол урди.

Меҳмонлар ушбу голдан сўнг яна иккита тўп киритиб, якунда 4:1 ҳисобида ғалаба қозонишди.