«Кейн кўпроқ муҳокама қилиндими ёки Ўзбекистон?» – АПЛдаги Ўзбекистон рекламаси қандай акс-садо берди?

23 февраль куни Англия Премьер-Лигаси 27-туридан ўрин олган «Бёрнли» - «Тоттенҳэм» ўйини ўзбекистонлик мухлислар орасида кенг муҳокама қилинди. Чунки бу учрашув вақтида «Терф Мур» стадионида «Life is too short not to visit Uzbekistan» (Ҳаёт Ўзбекистонга ташриф буюрмаслик учун жуда қисқа) рекламаси кетди. Шунингдек, рекламада Бухоронинг параллаксидан ҳам фойдаланилган бўлиб, у атроф билан қоришиб кетади.

Дунёнинг энг оммабоп лигасида Ўзбекистоннинг реклама қилиниши, албатта ёқимли ҳолатдир. Чунки бу чемпионат ўйинларини бутун дунёда юз миллионлаб кишилар томоша қилишади. Масалан, «Бёрнли» - «Тоттенҳэм» ўйинини 200 миллионга яқин киши томоша қилган.

Хўш, бу рекламанинг фойдаси бўлдими? Уни қандай муҳокама қилишмоқда? Ижтимоий тармоқларнинг Ўзбекистондаги фойдаланувчилари бу реклама ҳақида жўшиб гапиришлари турган гап. Лекин бошқа мамлакатлардаги одамларнинг фикрлари биз учун қизиқ. Футбол ўйинлари ижтимоий тармоқлар орасида айниқса твиттерда кенг муҳокама қилинади. Келинг, дунёдаги твиттерчилар юқоридаги мавзуда нималар ёзишгани билан қизиқсак.

Watching Tottenham v Burnley and one of the field advertisements says “Life is too short not to visit Uzbekistan” - lol not happening.

— Conn Carroll (@conncarroll) 23 февраля 2019 г.

* «Бёрнли» - «Тоттенҳэм» ўйинини кўриб тургандим. У ерда ҳаёт Ўзбекистонга бормаслик учун жуда қисқа эканини эслатишди...».

Watching Tottenham/Burnley and seeing ads telling me to visit Uzbekistan. I think I will.

— Zach Perry (@ZachaaryPerry) 23 февраля 2019 г.

* «Бёрнли» - «Тоттенҳэм» ўйинини кўраётганда Ўзбекистонга боришни тавсия қилишди. Менимча, борсам керак».

Not sure who’s getting more profile at today’s premier league game at Burnley... Harry Kane or Uzbekistan?Central Asia watchers will have spotted the pitch side adverts stating ‘life’s too short not to visit #Uzbekistan’ visa free pic.twitter.com/26eCJHwL65

— Jim Buttery (@JimButtery) 23 февраля 2019 г.

* Бугунги ўйин вақтида нима кўпроқ муҳокама қилинаркин: Харри Кейннинг сафга қайтганими ёки ҳаёт Ўзбекистонга бормаслик учун жуда қисқа эканими?».

Man måste ändå älska Burnleys val av land att marknadsföra på Turf Moor:
”Life is too short to not visit Uzbekistan.”

— Herman Mostafa (@hermanmostafa) 23 февраля 2019 г.

* «Ҳаёт Ўзбекистонга ташриф буюрмаслик учун жуда қисқа» – «Терф Мур»да кўриш мумкин бўлган тасодифий рекламаларнинг энг ажойиби».

watching #BURTOT and the ad boards are telling me that life is too short not to visit uzbekistan. tempting...

— Brian B. (@solardrum) 23 февраля 2019 г.

* «Тоттенҳэм»нинг ўйинида ҳаёт Ўзбекистонга бормаслик учун жуда қисқа деб ёзишмоқда. Жозибали...».

According to the surrounds of the Turf Moor pitch, life is too short not to visit Uzbekistan 🇺🇿 #BURTOT

— Adam Foxcroft (@ADFoxcroft) 23 февраля 2019 г.

* «Терф Мур»даги ташкилотчиларнинг айтишича, ҳаёт Ўзбекистонга бормаслик учун жуда қисқа экан».

Apparently life is just too short NOT to visit Uzbekistan..! ✈️

— George Poole (@GeorgePuddle) 23 февраля 2019 г.

* Кўринишидан ҳаёт чиндан ҳам Ўзбекистонга бормаслик учун жуда қисқага ўхшайди».

Loving the advertising around the Burnley pitch.......”Life is too short not to visit Uzbekistan”

— Lee Francis (@LeeFrancis) 23 февраля 2019 г.

* Қаранг, «Бёрнли» майдонида қандай ажойиб реклама: «Ҳаёт Ўзбекистонга бормаслик учун жуда қисқа».

Just booked flights to Uzbekistan #twitterclarets #BURTOT

— Possible Boris (@PossibleBoris) 23 февраля 2019 г.

* «Ҳозиргина Ўзбекистонга чипта буюртма қилдим».

Таъкидлаш керак, «Ўзбектуризм» ташаббуси билан амалга оширилган бу реклама «Терф Мур» стадионига бепул қўйилган. Ташкилот ходими Беҳруз Ҳамзаев АПЛ билан бу рекламани бепул жойлаштириш бўйича келишган. Унинг айтишича, бундай турдаги реклама АПЛдагиларга ҳам ёққан.