Швейцарияда Европадаги энг қиммат банкнота тақдим қилинди

Фото: twitter.com/SNB_BNS_en

Швейцария марказий банки 1000 франк қийматга эга янги банкнотани тақдим қилди.

13 мартдан муомалага чиқадиган купюра қиймати бўйича Европадаги энг қиммати, дунёда эса 10 минг Бруней доллари купюрасидан кейин иккинчи бўлади.

Швейцарияда 2017 йилда барча тўловларнинг 70 фоизи нақд пулга амалга оширилган.Марказий банк вакили Фриц Цурбрюгнинг айтишича, маданий хусусиятларга кўра Швейцарияда нақд пул ҳамон муомалада юради.