Уайлдер Жошуага қарши рингга чиқишга ваъда берди

Бутунжаҳон бокс кенгаши (WBC) йўналиши бўйича оғир вазн тоифасидаги жаҳон чемпиони Деонтей Уайлдер супер оғир вазндаги жаҳон чемпиони Энтони Жошуа билан жанг ўтказишга тайёрлигини маълум қилди.

Спортчининг ишқибозларни ишонтиришича, бундай баҳс албатта амалга ошади.

«Жошуа билан жанг бўлади. Бу жанг ўтказилади. Мен одамлар бу баҳсни кўриш ёки кўра олмасликлари ҳақида ташвишланишларини истамайман. Сизлар Деонтей Уайлдернинг Энтони Жошуага қарши шоусини кўрасиз. Биз бир чемпион, бир шахс, бир ном бўламиз ва бу яқин орада содир бўлиши мумкин. Сизлар фақат кутишингиз лозим. Бу содир бўлади, мен барчани тинчлантиришни хоҳлайман, бироз вақт талаб этилади», - дея Уайлдернинг сўзларини келтиради Thaboxingvoice.

Бундан олдин, WBC президенти Маурицио Сулаймон чемпион Доминик Бризил билан рингда учрашишга мажбур экани ҳақида маълум қилганди.

Эслатиб ўтамиз, аввалроқ Уайлдер ва Фьюрига такрорий жанг ўтказиш учун рухсат берилганди.