«Электромагнит ҳужумлар»: Мадуро электр энергиясидаги узилишлар ҳақида

Фото: AFP 2019 / Yuri Cortez

Венесуэла президенти Николас Мадуро республика электр энергияси таъминоти объектларига «электромагнит ҳужумлар» ҳақида маълум қилди. Бу ҳақда РИА «Новости» хабар беряпти.

Унинг сўзларига кўра, Венесуэлада электр энергиясидаги узилишлар ушбу «ҳужумлар» туфайли юзага келган.

Шунингдек, унинг қўшимча қилишича, ҳозирги пайтда республика расмийлари бу ҳодисаларни суриштирувдан ўтказмоқда.

Мадуронинг қайд этишича, «зарба» Венесуэланинг ишлаб чиқариш қувватларига қарата берилган.

Бундан олдин, Мадуро Венесуэладаги энг йирик ГЭСга мерган ҳужум қилганини айтганди.

Унинг сўзларига кўра, мерган «Гури» ГЭСни узоққа отадиган милтиқдан ўққа тутган.

Тайёрлаган Отабек Матназаров

#Венесуэла #Николас Мадуро

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди