Қўшимча функционаллар
-
Тунги кўриниш
Мэй Евроиттифоқдан Brexit’ни 30 июнгача кечиктиришни сўради
Буюк Британия бош вазири Тереза Мэй Евроиттифоқдан қиролликнинг ЕИдан чиқиш муддатини 30 июнгача ортга суришни сўради. Бу ҳақда Британия вазирлар маҳкамасининг Европа кенгаши раиси Дональд Тускка йўлланган мактубида айтилади.
"Буюк Британия ҳукумати мазкур давр 2019 йил 30 июнгача узайтирилишини таклиф этади", - дейилади мактубда.
Шу билан бирга, Мэй Буюк Британия 23-26 май кунларига мўлжалланган Европа парламентига сайловларда иштирок этмаслигини таъкидлаган.
Британия ОАВнинг маълумот беришича, муддатни 30 июнгача ортга суриш ҳақидаги таклиф Мэйнинг вазирлар маҳкамаси аъзолари билан узоқ музокаралари натижасидир. Британия вазирларининг бир қисми имкон борича қисқа муддатни талаб қилаётган бўлса, бошқалари муддатнинг узайтирилиши тарафдори.
Sky News телеканалининг хабар беришича эса, Дональд Туск Буюк Британияга Brexit’ни 2020 йилнинг 31 мартигача ортга суришни таклиф қилмоқчи.
Brexit жараёни
Мавзуга оид
14:48 / 24.11.2024
Лондон ЕИ билан муносабатларни тиклаш учун музокарачи қидирмоқда
08:53 / 01.12.2022
Brexit: Брюссел Лондонга босим ўтказишнинг янги воситаларига эга бўлади
14:37 / 04.01.2022
Brexit’га бир йил тўлди: Британия Европа Иттифоқини тарк этиб ютдими ё ютқазди?
22:11 / 30.12.2021