Қўшимча функционаллар
-
Тунги кўриниш
Маршал Ҳафтар армияси Триполидаги ягона ишловчи аэропортга зарбалар берди
Фото: REUTERS / Hani Amara
Маршал Ҳалифа Ҳафтар бошчилигидаги Ливия миллий армияси кучлари пойтахт Триполидаги ягона ишловчи аэропорт – Митигага зарбалар берди. Бу ҳақда Фаёз Саррож бошчилигидаги миллий келишув ҳукумати (МКҲ) тезкор штаби маълум қилди.
ОАВ маълумотига кўра, қуролли зиддият бошланганидан буён 32 киши ҳалок бўлди ва 50 киши яраланди.
Шу сабабли пойтахтни ташқи дунё билан боғловчи ягона аэропортда барча парвозлар тўхтатилган. МКҲда миллий армия ҳаракатлари фуқаролик авиацияси парвозлари хавфсизлиги ва тинч аҳоли ҳаётига хавф солиши таъкидлаб ўтилган.
Триполидан 11 км узоқликда жойлашган Митига аэропорти аввал ҳарбий аэродром вазифасини бажарган. Митига 4 йил аввал пойтахтдан 34 км узоқликда жойлашган Триполи аэропорти қарама-қарши гуруҳлар ўртасидаги жанглардан кейин яроқсиз ҳолга келгандан сўнг Триполидаги ягона ишловчи аэропорт бўлган. Ҳозирда бу иккала аэропорт ҳам МКҲ томонидан назорат қилинади.
Ливияда фуқаролар уруши
Мавзуга оид
10:51
Тошкент аэропортида эшитиш қобилияти чекланган шахслар иш бошлади
19:02 / 21.11.2024
Фарғона аэропортида ҳаво кемаларини қабул қилишга вақтинчалик чекловлар жорий этилди
17:53 / 20.11.2024
Тошкент халқаро аэропортида учиб келиш залини реконструкция қилиш бошланди
20:03 / 18.11.2024