Бразилияда уришқоқ футболчиларга қарши кўзни ёшлатувчи газ қўлланди (видео)  

Бразилиянинг Гояс штати чемпионатининг “Атлетико Гоияниенсе” ва “Вила-Нова” клублари ўртасидаги ярим финал учрашуви икки жамоа футболчилари, мураббийлари ва ходимлари ўртасидаги оммавий муштлашув билан якунланди. Бу ҳақда Globo нашри хабар берди.  

Финал ҳуштаги чалингандан кейин рақиблар ким кучлироқлигини муштлар ёрдамида аниқлашга киришиб кетишган.

Муштлашувни полициянинг махсус бўлинмаси вакиллари аралашувидан кейин бостиришга муваффақ бўлинган. Улар ёқа бўғишаётган футболчиларни тарқатиш учун кўзни ёшлатувчи газ қўллашларига тўғри келган.

Муштлашув оқибатида “Атлетико Гояниенсе” фотосуратчиси тизза чиқиши жароҳати билан шифохонага етказилган. У “ҳайратланарли” суратларни олишга берилиб кетиб, ур-тўполон марказида қолиб кетган.

Após confusão entre jogadores dos dois times ao fim da partida entre Atlético-GO e Vila Nova, policiais entram em campo e soltam spray de pimenta na direção do rosto dos atletas https://t.co/CdUTcTGLE8 pic.twitter.com/wJBA7ZYg3S

— globoesportecom (@globoesportecom) 7 апреля 2019 г.