Эквадор собиқ президенти Ассанжни Британияга топширган Моренони хоин деб атади

Рафаэль Корреа ва Ленин Морено/Фото: Global Look Press

Эквадор собиқ президенти Рафаэль Корреа WikiLeaks асосчиси Жулиан Ассанжга бошпана беришни рад этган давлат раҳбари Ленин Моренони мамлакат тарихидаги энг катта хоин деб атади.

"Эквадор ва Лотин Америкаси тарихидаги энг катта хоин Ленин Морено Ассанжни қўлга олиш учун Британия полициясига бизнинг элчихонамизга киришга рухсат берди. Унинг бу иши инсоният ҳеч қачон унутмайдиган жиноятдир", - деб ёзди Корреа Twitter’да.

Аввалроқ Британия полицияси Жулиан Ассанж Лондонда қўлга олингани ҳақида хабар берганди.

Жулиан Ассанж 2012 йилдан буён Эквадорнинг Лондондаги элчихонасида яшаб келаётганди. У 2012 йил 27 сентябрь куни АҚШда давлат душмани деб тан олинган.

Тайёрлаган Дилшод Аскаров

#Жулиан Ассанж #Эквадор

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи