Жулиан Ассанж Лондонда қўлга олинди. Эквадор уни элчихонадаги бошпанадан маҳрум қилди

Фото: EPA-EFE/FACUNDO ARRIZABALAGA

WikiLeaks сайти асосчиси Жулиан Ассанж Лондонда полиция томонидан қўлга олинди. Бу ҳақда Британия полицияси сайтида хабар берилган.

BREAKING: #Assange removed from embassy - video pic.twitter.com/qsHy7ZVPg5
— Ruptly (@Ruptly) April 11, 2019

Ўз навбатида, Эквадор президенти Ленин Морено мамлакатнинг Лондондаги элчихонасида бўлиб турган Ассанжга бошпана тақдим этиш сўровномаси бўйича рад жавоби бериш ҳақида қарор қабул қилди.

"Эквадор халқаро конвенциялар бир неча маротаба бузилгани учун Жулиан Ассанжга дипломатик бошпана тақдим этишда рад жавоби бериш тўғрисида қарор қабул қилди", - дея ёзган президент Twitter’даги саҳифасида.

Бундан олдин, Wikileaks сайти асосчиси Жулиан Ассанж Швеция ҳукуматидан суд харажатларини қоплаш учун 9,25 млн швед кронаси (қарийб 1 млн доллар) беришини талаб қилганди.

Тайёрлаган Отабек Матназаров

#Жулиан Ассанж #Эквадор

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи