WikiLeaks: Ассанж АҚШга экстрадиция қилиш мақсадида қўлга олинди

Фото: ТАСС/Ruptly

WikiLeaks'нинг билдиришича, сайт асосчиси Жулиан Ассанж Қўшма Штатларга кейинчалик экстрадиция қилиш мақсадида қўлга олинди. Бу ҳақда WikiLeaks Twitter’даги саҳифасида баёнот берган.

«Ассанж махфий ҳужжатларни эълон қилгани учун АҚШга экстрадиция қилиш мақсадида қўлга олинди», - дейилади хабарда.

Ўз навбатида, Буюк Британия Ташқи ишлар вазирлиги раҳбари Жереми Хант WikiLeaks собиқ бош муҳарририга бошпана тақдим этмаслик бўйича қарор учун Эквадор президенти Ленин Моренога миннатдорчилик билдирган.

Бундан олдин, WikiLeaks сайти асосчиси Жулиан Ассанж Лондонда полиция томонидан қўлга олингани хабар қилинганди.

Эквадор президенти Ленин Морено мамлакатнинг Лондондаги элчихонасида бўлиб турган Ассанжга бошпана тақдим этиш сўровномаси бўйича рад жавоби бериш ҳақида қарор қабул қилди.

"Эквадор халқаро конвенциялар бир неча маротаба бузилгани учун Жулиан Ассанжга дипломатик бошпана тақдим этишда рад жавоби бериш тўғрисида қарор қабул қилди", - дея ёзган президент Twitter’даги саҳифасида.

Тайёрлаган Отабек Матназаров

#Жулиан Ассанж #WikiLeaks

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи