Трамп нима учун Жаҳон банки раҳбарлигига қизининг номзодини илгари сурмаганини айтди
АҚШ президенти Дональд Трамп Atlantic нашрига берган интервьюсида ўз қизи ва маслаҳатчиси Иванка Трамп номзодини Жаҳон банки президентлигига кўрсатишни ўйлагани ҳақида маълум қилди.
"Мен ҳатто Жаҳон банки раҳбарлигига Иванканинг номзодини илгари суришни ўйлагандим. У буни қойилмақом қилиб уддалаган бўларди, чунки рақамлар билан зўр ишлайди", - деди Трамп.
Америка президенти ўзини қариндош-уруғчиликда айблашлари мумкинлигидан хавфсираб АҚШ вакили сифатида қизининг номзодини кўрсатиш фикридан қайтганлигини айтди.
"Агарда шундай қилганимда, мени қариндош-уруғчиликда айблаган бўлишарди, гарчи бунинг қариндош-уруғчиликка алоқаси йўқ бўлса-да", - дея қайд этган АҚШ президенти.
Январь ойида Financial Times газетаси АҚШ президентининг қизи Иванкани Жаҳон банки президенти лавозимига номзодлардан бири деб аташаётганини хабар қилганди. Кейинроқ Оқ уй бу хабарни рад этди, Жаҳон банки президентлигига эса АҚШ молия вазирининг халқаро ишлар бўйича ўринбосари Дэвид Малпасс сайланди.
Мавзуга оид
07:22 / 24.06.2024
Ўзбекистон чиқинди газларни камайтиргани учун Жаҳон банкидан тўлов қабул қилган дунёдаги биринчи давлат бўлди
14:45 / 18.06.2024
ЖБ: Ўзбекистонда аёллар ва эркакларга тенг ҳақ тўланишини таъминлаш 700 минг кишини камбағалликдан чиқаради
07:40 / 14.06.2024
Жаҳон банки Ўзбекистонга грант ажратди
12:36 / 27.05.2024