Жокович “Мастерс” сериясининг Мадриддаги мусобақасида ғалаба қозонди

Сербиялик теннисчи Новак Жокович Мадридда ўтган “Мастерс 1000” сериясининг тупроқли кортлардаги мусобақаси ғолиби бўлди. Айни вақтда дунёнинг биринчи рақамли теннисчиси мусобақа финалида грециялик Стефанос Циципасни 6:3, 6:4 ҳисобида мағлуб этди. Учрашув 1 соат 33 дақиқа давом этган.

Жокович Циципасдан 2018 йил Канадада ўтган “Мастерс”даги мағлубияти учун “ўчини” олди: икки теннисчининг ўзаро баҳсларидаги ҳисоб 1:1. 

Сербиялик спортчи фаолиятидаги 74- ва 2019 йилдаги 2-унвонни қўлга киритди. Аввалроқ у Australian Open’да зафар қучганди.