Jokovich “Masters” seriyasining Madriddagi musobaqasida g‘alaba qozondi

Serbiyalik tennischi Novak Jokovich Madridda o‘tgan “Masters 1000” seriyasining tuproqli kortlardagi musobaqasi g‘olibi bo‘ldi. Ayni vaqtda dunyoning birinchi raqamli tennischisi musobaqa finalida gretsiyalik Stefanos Tsitsipasni 6:3, 6:4 hisobida mag‘lub etdi. Uchrashuv 1 soat 33 daqiqa davom etgan.

Jokovich Tsitsipasdan 2018 yil Kanadada o‘tgan “Masters”dagi mag‘lubiyati uchun “o‘chini” oldi: ikki tennischining o‘zaro bahslaridagi hisob 1:1. 

Serbiyalik sportchi faoliyatidagi 74- va 2019 yildagi 2-unvonni qo‘lga kiritdi. Avvalroq u Australian Open’da zafar quchgandi.