Озишга ёрдам берадиган ичимликлар ҳақида биласизми?

Детокс-озиқланиш ва детокс-ичимликлар тез орада озишга ёрдам берадиган парҳезлар ўрнини эгаллайди деган тасаввур уйғонади. Бундай ичимликлар овқат ҳазм қилиш ва организмнинг бошқа тизимларига дам беради – ана шунда комплекс соғломлашиш юз беради. Ортиқча суюқлик чиқиб кетгани учун тўқималардаги шишлар камаяди, тери, тирноқ ва сочнинг ҳолати яхшиланади, вазн камаяди.

Сизга дарҳол детокс-коктейль зарурлигини кўрсатувчи белгилар

• Доимий ич қотишлар, метеоризм, кўнгил айниши.
• Кучли чарчоқ. Уйқудан кейин ҳам ўтиб кетмайдиган чарчоқ.
• Бош оғриғи.
• Кайфиятнинг тез-тез ўзгариши.
• Терининг тез-тез яллиғланиши.
• Зарарли ёки ресторандаги тезпишар овқатларни ёқтириш.
• Уйқунинг ёмонлашуви.
• Қориннинг дам бўлиши.
• Ортиқча вазн.
• Бел аёлларда 80 см, эркакларда 90 см дан ортиқ бўлиши.

Фойдали ичимликлар учун энг яхши таъсир кўрсатувчи маҳсулотлар

Олма

• Пектинга бой.
• Овқат ҳазм қилишни нормаллаштиради.
• Моддалар алмашинувини яхшилайди.

Тарвуз

• Кучли «намлантирувчи», сув мувозанатини тўлдиради.
• Яллиғланишнинг олдини олади.
• Томирлар соғлиғини қўллаб-қувватлайди.
• Пешоб ҳайдаш хусусиятига эга.

Киви

• А ва Е витаминлари манбаи.
• Организмни эркин радикаллардан ҳимоя қилади.
• Юз терисининг ёшаришига ҳисса қўшади.

Бодринг

• «Ёшартирувчи» сабзавот.
• Жигарни самарали тозалайди.
• Ортиқча суюқликни чиқариб ташлайди.
• Шишларни олади.
• Юз рангини яхшилайди – мусаффолик беради.

Цитруслар

• С витамини манбаи.
• Табиий қувват берувчи.
• Вазнни камайтиришда самарали ишлайди.
• Организмнинг вирус ва инфекцияларга чидамлилигини оширади.

Грейпфрут

• Ликопин манбаи. Ушбу антиоксидант модда ўсмалар ривожланишидан ҳимоя қилади.
• Таркибидаги пектин холестерин даражасини камайтиришда ёрдам беради.

Ялпиз

• Янги узилган ва қуритилган ҳолда қўллаш мумкин.
• Қорин шишини олади.
• Руҳиятни тинчлантиради.
• Уйқуни тартибга солади.

Занжабил

• Хуш қомат ва иммунитет дўсти.
• Моддалар алмашинувини тезлаштиради.
• Инфекцияларга қарши курашади.

Долчин

• Зиравор ширинлик ейиш истагини енгишда ёрдам беради.
• Хуш ифорга эга зиравор ёғлар тўпланишини секинлаштириб, тўпланган захирани эритади.
• Қон босимини пасайтиради.

Кўк чой

• Хуш қомат ичимлиги.
• Зарарли нарса ейиш истагини камайтиради.
• Қондаги қанд миқдорини камайтиради.
• Моддалар алмашинувини тезлаштиради.

Кўпинча детокс-ичимликлар рецептида кашнич, исмалоқ, кайен гармдориси, олмали сиркадан фойдаланилади. Ҳар қандай мева детокс-сувни тайёрлаш учун аъло даражада мос келади.

Ёдингизда бўлсин – умуман шакар қўшилмайди.