Словакияда биринчи аёл президент инаугурацияси бўлиб ўтди

Словакия пойтахти Братиславада президент сайловларининг ғолиби Зузана Чапутова инаугурацияси бўлиб ўтиб, у янги лавозимга киришишидан олдин қасамёд келтирди. 

Чапутова Андрей Киска ўрнини эгаллади.

Шарқий Европанинг ушбу давлатини илк бор аёл киши бошқаради.

Чапутова сайловларнинг 2-босқичи натижаларига кўра ғолиб бўлган, унга Еврокомиссия раҳбари ўринбосари Марош Шефчович рақиблик қилган.

Янги президент Европа томон йўналишни сақлаб қолишга ва коррупцияга қарши курашиш учун бор кучини сарфлашга ваъда берган.