Тадбиркорлик қилмоқчи бўлган фуқарони бир неча ўн минг долларга «ухлатган» шахс ушланди

2019 йил 5 август куни Тошкент шаҳрининг Миробод туман ИИБга ҳужжатлар тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Уларга кўра, Шайхонтоҳур туманида яшовчи 37 ёшли С.Ю. вақтинча Яшнобод туманида яшовчи 55 ёшли С.Л.га биргаликда тадбиркорлик билан шуғулланишни, Қашқадарё вилояти Китоб тумани Гулистон МФЙ Буюк ипак йўли кўчасида жойлашган, аслида қиймати 60 000 АҚШ доллари бўлган омборхона биносини 90 000 АҚШ доллари эканлигини айтиб, 2016 йил январь ойидан июнь ойига қадар бўлган вақт оралиғида Миробод кўчасида ундан бўлиб-бўлиб 90 000 АҚШ долларини олган.

Пулнинг 60000 АҚШ долларига юқоридаги омборхонани сотиб олиб бериб, қолган қисмини ўз эҳтиёжлари учун ишлатиб юборган. Ҳолат юзасидан жиноят иши қўзғатилиб, С.Ю. ушланган. 

Тергов ҳаракатлари олиб борилмоқда.