АҚШда одам савдосида айбланган миллиардер ўз жонига қасд қилди

Америкалик миллиардер Жеффри Эпштейн Нью-Йоркдаги турма камерасида ўз жонига қасд қилди. Бу ҳақда манбаларга иқтибос келтирган ҳолда The New York Times нашри хабар қилди.

Июлда 66 ёшли Эпштейнга 14 ёшли қизларни сотиш айблови эълон қилинган. Гувоҳлар у 2002 йилдан 2005 йилгача ўзининг маъшуқаларини янги қизларни олиб келишга мажбур қилганини маълум қилишган. Баъзи жабрланувчилар 14 ёш ёки ундан ҳам ёшроқ бўлган.

Умумий ҳисобда миллиардерга 45 йиллик қамоқ жазоси хавф солганди. У ўз айбини тан олмаган.

Эпштейн ўз фаолиятини Bear Stearns инвестиция банкида бошлаб, кейинчалик ўзининг J. Epstein & Co фирмасига асос солган. Кўплаб ғарб нашрлари уни миллиардер деб аташган, бироқ Forbes’нинг хабар қилишича, у Эпштейнни ҳеч қачон миллиардерлар рўйхатига киритмаган.