16 300 доллар ва 22 000 000 сўмга «ухлатган» шахс қўлга олинди

2019 йил 16 август куни Навоий шаҳар И.Каримов кўчасида яшовчи 60 ёшли П.М. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У шу йил февраль ойида Мирзо Улуғбек кўчасида яшовчи 43 ёшли С.Т. унга пулларини банкка юқори фоизли жамғармага қўйиб беришликни айтиб, ундан 16 300 АҚШ доллари ва 22 000 000 сўм пулини олиб, шу кунга қадар берган ваъдасини бажармай пулларни ўз эҳтиёжи учун ишлатиб юборганлигини маълум қилган. 

Ҳолат юзасидан жиноят иши қўзғатилиб, С.Т. қўлга олинган. Тергов ҳаракатлари олиб борилмоқда.