Нур-Султонда эркин кураш бўйича баҳслар бошланмоқда. Бугун Бекзод Абдураҳмонов ва Ихтиёр Наврўзов гиламга чиқади

Қозоғистоннинг Нур-Султон шаҳрида давом этаётган спорт курашлари бўйича жаҳон чемпионатининг бугунги кун дастурида эркин кураш бўйича баҳслар ўтказилади.

Ушбу кун дастурида Ўзбекистон эркин кураш терма жамоасининг бир қатор номдор вакиллари гиламга чиқишади.

Улар орасида Рио Олимпиадаси совриндори Ихтиёр Наврўзов, Осиё ўйинларининг икки карра ғолиби Бекзод Абдураҳмонов каби курашчилар ҳам бор.

Бугун баҳс олиб борадиган Ўзбекистон вакиллари мусобақани қуйидаги рақибларига қарши бошлашади:

-70 кг: Ихтиёр Наврўзов (Олимпия ўйинларига киритилмаган) – Каран Каран (Ҳиндистон)
-74 кг: Бекзод Абдураҳмонов – Фракнлин Гомес (Пуэрто-Рико)
-125 кг: Ҳасанбой Раҳимов – Луис Фелипе Урбанеха (Венесуэла)