Ла Лига. «Барселона» Месси қайтган ўйинда «Гранада»га ютқазди

Ла Лигада 5-турининг энг сенсацион натижаси қайд этилди. «Гранада» меҳмони бўлган «Барселона» 0:2 ҳисобида мағлуб бўлди.

Бу ўйинда Лионель Месси Ла Лига жорий мавсумидаги илк ўйинида майдонга тушди, аммо бу каталонияликларни мағлубиятдан қутқариб қола олмади.

Бу «Барселона»нинг мавсумдаги 2-мағлубияти бўлди. Энди каталонияликлар турнир жадвалида 7 очко билан 7-ўринда жойлашган. «Гранада» эса вақтинча етакчига айланиб олди.

Ла Лига. 5-тур
Гранада – Барселона 2:0

Голлар: Азиз (2), Вадильо (66, пенальти).
Гранада: Руй Силва, Херман Санчес, Нева, Диас, Дуарте, Монторо, Азиз, Пуэртас, Эррера (Гоналон, 83), Мачис (Вадильо, 62), Сольдадо (Фернандес, 58).
Барселона: тер Стеген, Лангле, Фирпо (Фати, 46), Пике, Серджи Роберто, де Йонг, Ракитич (Видаль, 62), Карлес Перес (Месси, 46), Семеду, Суарес, Гризманн.