Қўшимча функционаллар
-
Тунги кўриниш
Давлат томонидан қишлоқ хўжалиги экинларини жойлаштириш амалиётига 2023 йилда барҳам берилади
Ўзбекистон ҳукумати қишлоқ хўжалиги экинларини жойлаштириш амалиётидан 2023 йилнинг I чорагида воз кечади.
Бу ҳақда Қишлоқ хўжалигини ривожлантиришнинг 2020-2030 йилларга мўлжалланган стратегиясини амалга ошириш бўйича «йўл харитаси»да қайд этилган. Стратегия 23 октябрь куни президент имзолаган фармон билан тасдиқланди.
Стратегияга асосан, экинларни давлат томонидан жойлаштириш амалиётига чек қўйишдан олдин – 2022 йил III чорагида – қишлоқ хўжалиги ишлаб чиқаришини интенсификация қилишни рағбатлантирувчи қишлоқ хўжалигини қўллаб-қувватлаш тизимига тўлиқ ўтилади.
Бундан аввал, яъни 2021 йилда:
– агросаноат мажмуида давлат-хусусий шериклик механизмларини ривожлантиришга йўналтирилган қўшимча чора-тадбирлар ишлаб чиқилади;
– фермер хўжаликлари ва қишлоқ хўжалиги маҳсулотларини қайта ишловчи корхоналарга моддий-техника ресурсларини етказиб бериш ва хизматлар кўрсатиш соҳасидаги ностратегик давлат корхоналари хусусийлаштирилади;
– давлат кредит маблағлари ҳисобига моддий-техника ресурслари етказиб бериш ва хизматлар кўрсатиш амалиётидан воз кечилади;
– агросаноат мажмуи субъектлари ўртасидаги савдо муносабатларининг барқарор ривожланишига кўмаклашиш учун стандартлаштирилган бўнак шартномалари тажриба сифатида жорий этилади.
Мавзуга оид
17:00 / 27.05.2025
Бозор – гўшт нархи ҳақида: “Ем-хашак қиммат, мол боқиш осон бўлмай қолди”
10:43 / 26.05.2025
“Кореяда олган тажрибани қишлоғимда қўлламоқчиман” – бўш ерларни ўзлаштираётган шаҳрихонлик йигит
21:05 / 19.05.2025
Ерости сувларидан фойдаланувчилар ҳисоблагич ўрнатмаса, 5 баробар солиқ тўлайди. Бу қандай ишлайди?
12:05 / 16.05.2025