15 минг долларга ер олиб беришни ваъда қилган аёлга нисбатан жиноят иши қўзғатилди

Пойтахтнинг Олмазор тумани Себзор даҳасида яшовчи, 1982 йилда туғилган Г.А. Шайхонтоҳур тумани Ф. Садриддинов кўчасида истиқомат қилувчи фуқаро А.А.га Яккасарой туманидан 0,4 сотих ер олиб беришни ваъда қилган.

Postda.uz’нинг ёзишича, у ушбу «хизмат»и эвазига А.А.дан жорий йилнинг 3 май куни 15000 АҚШ долларини олган.

Орадан салкам етти ой ўтса-да, Г.А. «ваъда»сининг устидан чиқмаган. Аксинча, олинган маблағни ўз эҳтиёжи учун ишлатиб юборган.

Мазкур ҳолат юзасидан Жиноят кодексининг тегишли моддаси билан жиноят иши қўзғатилди. Ҳозир тергов ҳаракатлари олиб бориляпти.