Ўзбекистон музейлари реновация қилинади

2020-2021 йилларда Ўзбекистон Республикасида музейлар фаолиятини такомиллаштириш дастурини тасдиқлаш тўғрисида ҳукумат қарори қабул қилинди.

Ҳужжат билан, Маданият вазирлиги, Маданият вазирлиги ҳузуридаги Маданият ва санъатни ривожлантириш жамғармаси, Инновацион ривожланиш, Молия, Иқтисодиёт ва саноат вазирликлари томонидан ишлаб чиқилган қуйидагиларни назарда тутувчи 2020-2021 йилларда Ўзбекистон Республикасида музейлар фаолиятини такомиллаштириш дастури тасдиқланди:

Ўзбекистон музейларини реновация қилиш;

Ўзбекистон Давлат санъат музейи фаолиятини такомиллаштириш;

Тошкент шаҳар, Сайилгоҳ кўчаси, 1-уй манзилида жойлашган собиқ князь Романов қароргоҳини реконструкция қилиш ва фаолиятини таъминлаш.

Қуйидагилар дастурни молиялаштириш манбалари этиб белгиланди:

Ўзбекистон Республикасининг 2020-2022 йилларга мўлжалланган Инвестиция дастури доирасида ажратиладиган маблағлар;

халкаро ташкилотларнинг грантлари;

Жамғарманинг маблағлари; 

юридик ва жисмоний шахсларнинг ҳомийлик хайриялари;

қонун ҳужжатлари билан тақиқланмаган бошқа манбалар.