Ҳонгконгда тиббиёт ходимлари Хитой билан қатновлар тўхтатилишини талаб қилмоқда

Фото: REUTERS / Tyrone Siu

Ҳонгконгда тўрт мингдан ортиқ тиббиёт ходимлари Хитой билан қатновлар тўлиқ тўхтатилишини талаб қилиб ишга чиқмади. Бу ҳақда RTHK телеканали хабар берди.

"Бугун 4400 дан ортиқ тиббиёт ходимлари навбатчиликка чиқмади, уларнинг аксарияти – 2500 дан ортиғи санитарлар, бу тиббий хизмат фаолиятига жиддий таъсир кўрсатди", - дейилади телеканал хабарида.

Ҳонгконг маъмурияти раҳбари Кэрри Лэм тиббиёт ходимлари ўз муносабатларини қайта кўриб чиқишлари ва ишга қайтишларига умид билдирди.

Охирги маълумотларга кўра, Хитойда коронавирусга чалинганлар сони 20,4 мингдан ортиб кетган, 425 киши вафот этган.

Тайёрлаган Дилшод Аскаров

#Ҳонгконг #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.