Хитойда коронавирусдан бир кунда 73 киши вафот этди

Хитойда коронавирус қурбонлари ва у билан касалланганлар сони ортмоқда.

Фото: REUTERS / CNS Photo

5 февраль яримтунига кўра, коронавирусдан бир кунда 73 киши вафот этиб, қурбонларнинг умумий сони 563 нафарга етди. Касалланганлар эса 28018 кишини ташкил қилмоқда, 1153 киши соғайиб кетган.

Қурбонларнинг деярли ҳаммаси – 549 киши вирус тарқалиш ўчоғи ҳисобланган Хубэй провинциясига тўғри келмоқда.

Бир кун аввал коронавирусдан 24,3 минг киши касаллангани, 490 киши вафот этгани маълум қилинганди.

Тайёрлаган Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.