Америкаликларга Туркманистон ва Озарбойжонга бормаслик тавсия қилинди

Аввалроқ коронавирус туфайли Туркманистон фуқароларига хорижга чиқиш тақиқлангани хабар қилинганди.

Фото: Asharq Al-Awsat

АҚШ давлат департаменти ўз фуқароларига коронавирус тарқалиши сабабли Туркманистон ва Озарбойжонга бормасликни тавсия қилмоқда. Расмий маълумотларга кўра, Туркманистонда коронавирус билан боғлиқ ҳолат қайд этилмаган, Озарбойжонда эса олти киши ушбу касалликка чалинган.

Туркманистонга бормасликка ушбу мамлакат ҳукуматининг коронавирус тарқалишига қарши олиб бораётган чоралари сабаб қилиб кўрсатилмоқда. Америка фуқароларининг огоҳлантирилишича, барча халқаро рейслар Ашхободдаги асосий аэропортдан пойтахтдан 400 км узоқликдаги Туркманобод шаҳрига йўналтирилган. Коронавирус юқтирганликда гумон қилинган йўловчилар ўша ердаги тиббиёт муассасаларидан бирига карантинга жойлаштирилади.

«Туркманистондаги даволаш услублари Америка стандартларига жавоб бермайди. Йўловчиларни коронавирус билан боғлиқ бўлмаган таҳлилларни топширишга мажбурлашлари мумкин», — дейилади давлат департаменти баёнотида.

Давлат департаменти Озарбойжонда ҳам тиббий хизмат кўрсатиш АҚШ талабларига мос эмаслигини билдирган.

Аввалроқ коронавирус туфайли Туркманистон фуқароларига хорижга чиқиш тақиқлангани хабар қилинганди.

Тайёрлаган Дилшод Аскаров

#Туркманистон #Озарбойжон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.