Месси коронавирус туфайли инсонлардан масъулиятлироқ бўлишни сўради

«Барселона» сардори Лионель Месси мухлисларга коронавирус пандемияси билан боғлиқ вазият борасида мурожаат қилди.

Фото: Getty Images

«Барча учун оғир кунлар келди. Биз нима бўлаётганидан хавотирдамиз ва азоб чекаётганларга ёрдам беришни хоҳлаймиз. Касалхона ва соғломлаштириш марказларида ушбу вирусга қарши курашаётган инсонларнинг барчасига жасорат тилаган бўлардим.

Инсон саломатлиги ҳар нарсадан устун бўлиши лозим. Ҳаммамиз соғлиқни сақлаш идораларининг кўрсатмаларига амал қилишимиз керак. Фақат шу йўл билан муаммони бартараф эта оламиз.

Вазиятга масъулиятлироқ ёндашишингизни ва уйда қолиб, яқинларингиз билан вақт ўтказишингизни сўрайман. Умид қиламанки, ушбу вазиятни имкон қадар тезроқ енгиб чиқамиз», – дея ёзиб қолдирган Месси ўзининг Instagram саҳифасида.

Маълумот учун, ҳозирда COVID-19 коронавируси туфайли Европанинг аксарият чемпионатлари тўхтатиб қўйилган.

#Лионель Месси #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.