Ўзбекистонда яна уч кишида коронавирус аниқланди

11 мартда Франциядан қайтган Ўзбекистон фуқаросида COVID-19 коронавируси 15 март куни аниқлангач, у билан мулоқотда бўлган барча оила аъзолари ҳам республика Вирусология илмий текшириш институти клиникаси ётқизилган эди.

Соғлиқни сақлаш вазирлигидан маълум қилишларича, таҳлил натижалари беморнинг ўғли ва қизида коронавирус инфекцияси борлигини кўрсатган.

Шунингдек, 15 март куни соат 05:15да Uzbekistan Airways авиакомпаниясининг «Истанбул-Тошкент» йўналишидаги 274-рейси билан келган Ўзбекистон фуқаросида ҳам коронавирус аниқланган.