Бразилияда 400 маҳбус турмадан қочиб кетди

16 март кечки пайт Бразилиянинг Сан-Паулу штати жанубидаги Монгагуа шаҳридаги турмадан 400 га яқин маҳбус қочиб кетди.

Фото: РИА Новости

Бу ҳақда G1 портали хабар берди.

Маълум қилинишича, маҳбуслар ярим очиқ турдаги ахлоқ-тузатиш колониясидан турма ходимларини гаровга олгандан кейин қочиб кетган. Таъкидланишича. колонияда ходимлар ҳали ҳам гаровда ушлаб турилибди, полиция уларни озод қилиш бўйича музокаралар олиб бормоқда.

Полиция қочоқ маҳбусларни тутиш учун ён-атрофни тинтишни бошлади.

Порталнинг таъкидлашича, Бразилия қонунчилигига кўра ярим очиқ турдаги ахлоқ-тузатиш муассасаларида қуролланган соқчилар кўзда тутилмаган.