Коронавирус Европанинг барча давлатларида қайд этилди

Фото: Twitter/MeGovernment

Қоратоғ (Черногория)да ҳам коронавирус юқтирганлик билан боғлиқ иккита ҳолат қайд этилди. Бу ҳақда мамлакат ҳукумати Твиттерида маълум қилинмоқда.

Шундай қилиб, коронавирус Европанинг барча давлатларида аниқланиб бўлинди.

Қоратоғ ҳукумати Twitter’ида коронавирус 1948 ва 1973 йилда туғилган икки аёлда аниқлангани маълум қилинган. Уларнинг ҳар иккиси вирус тарқалган ҳудудларда бўлиб қайтишган.

15 март куни бош вазир Милитун Семович Қоратоғ шу вақтгача касаллик қайд этилмаган Европадаги ягона мамлакат бўлиб қолаётганини таъкидлаб ўтган эди. Ўша куни хорижлик фуқароларга мамлакатга кириш вақтинчалик тақиқланган эди.

Тайёрлаган Шуҳрат Шокиржонов

#Қоратоғ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.