«Мен сиз учун ишда қолмоқдаман. Сиз биз учун уйда қолинг»: Дунё шифокорлари одамларни уйда қолишга чорловчи флешмоб эълон қилишди

Бутун дунё шифокорлари коронавирус эпидемияси сабабли ижтимоий тармоқларда одамларни карантин вақтида уйда қолишга чорловчи флешмоб эълон қилишди.

Флешмобни малайзиялик шифокор Жи Тик Шенг бошлаб берган.

У Facebook’да “Мен сиз учун ишда қолмоқдаман. Сиз биз учун уйда қолинг” деб ёзилган варақни ушлаб турган суратни эълон қилган.

Ўзбекистонлик шифокорлар ҳам флешмобга қўшилиб, иш жойларида шундай мурожаат ёзилган варақни ушлаб тушган суратларини ижтимоий тармоқларда жойлаштирмоқдалар.

Тайёрлаган Шуҳрат Раҳимов

#карантин #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.