Коронавирусга даво топилгани ҳақида фейк хабар тарқалмоқда

Ижтимоий тармоқларда коронавирусга чалинган беморни 3 соатда соғайтириб юборадиган дори воситаси кашф этилиб, сотувга чиқарилгани ҳақида ёлғон хабарлар тарқалмоқда.

Америкалик олимлар томонидан кашф этилиб, АҚШ президенти Дональд Трамп томонидан эълон қилинган «вакцина» ҳақидаги асоссиз хабар глобал тармоқнинг нафақат ўзбек сегментида, балки инглиз ва яна бошқа тиллардаги фойдаланувчилар орасида ҳам кенг тарқалди.

Аниқлик киритиш учун айтиш жоиз, тарқалаётган суратда вакцина ёки дори воситаси эмас, Жанубий Кореяда ишлаб чиқарилган тест тўплами акс этган.

Тўплам Sugentech компанияси томонидан ишлаб чиқилган бўлиб, унинг ёрдамида кишида коронавирус бор-йўқлигини бир неча дақиқа ичида аниқлаш мумкин.

Аҳолидан интернетдаги турли тасдиқланмаган маълумотларга ишонмасликни, расмий ва ишончли манбалардан олинмаган хабарларни тарқатмасликни сўраб қоламиз.

Эслатиб ўтамиз, аввалроқ Kun.uz Covid-19`га қарши қандай вакциналар синаб кўрилаётгани ҳақида батафсил маълумот берган эди.

Францияда коронавирусга қарши дори синовдан муваффақиятли ўтказилди

«Бунақа ҳолатда ҳазил кетмайди» — Абдулла Арипов коронавирус бўйича асоссиз маълумот тарқатиш оқибатларидан огоҳлантирди

Тайёрлаган Комрон Чегабоев

#фейк #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.