КХДР коронавирусга қарши курашда халқаро ёрдам сўраб мурожаат қилди

Financial Times манбаларидан бирининг айтишича, КХДРда 590 киши коронавирусга тестдан ўтказилган, уларнинг барчаси мамлакатга январда хориждан келган. Тестлар салбий натижани кўрсатган.

Фото: KCNA/Reuters

КХДР коронавирус пандемиясига қарши курашда халқаро ёрдам сўраб мурожаат қилди, деб ёзмоқда Financial Times ўз манбаларига таяниб.

Нашрнинг қайд этишича, КХДР коронавирусни аниқловчи тестлар олишни истамоқда. Расмий маълумотларга кўра, мамлакатда касалликка чалиниш билан боғлиқ бирорта ҳам ҳолат аниқланмаган, аммо экспертлар бу маълумотга эҳтиёткорлик билан ёндашмоқда.

Газета манбаларидан бирининг айтишича, КХДРда 590 киши коронавирусга тестдан ўтказилган, уларнинг барчаси мамлакатга январда хориждан келган. Тестлар салбий натижани кўрсатган.

"Ҳукуматда коронавирус тестлари бор ва улардан қандай фойдаланишни билишади, аммо тестлар сони етарли эмас. Шунинг учун улар барча ташкилотлардан уларни қўллаб-қувватлашларини сўрамоқда", - дея манбанинг сўзларини келтиради газета.

Тайёрлаган Дилшод Аскаров

#КХДР #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.