«Олтин» телефон рақамини харид қилиб беришни ваъда қилган шахс қўлга олинди

Ушбу факт асосида Жиноят кодексининг 168-моддаси (“Фирибгарлик”) бўйича жиноий иш қўзғатилди

Фото: Shutterstock

Учтепа тумани ИИО ФМБ ТБ томонидан жиноий иш бўйича тергов олиб борилди, деб хабар бермоқда Тошкент шаҳар ИИББ.

Унинг давомида аниқланишича, 2018 йилининг март ойидан апрелга қадар бўлган муддат давомида 30 ёшли Н.С. 34 ёшли Р.И.нинг ишончига кириб, тижорат билан шуғулланишини маълум қилган ва “олтин” телефон рақами харид қилишда ёрдам бериши мумкинлигини айтган.

Бунинг учун у 7 000 АҚШ доллари олгач, ваъдасида турмасдан, пулларни ўз эҳтиёжига сарфлаб юборган.

Ушбу факт асосида Ўзбекистон Республикаси Жиноят кодексининг 168-моддаси (“Фирибгарлик”) бўйича жиноий иш қўзғатилди.

“Ҳурматли ҳамшаҳарлар ва Тошкент меҳмонлари! Яхши танимаган инсонларингизнинг хизматларидан фойдаланманг. “Чиройли” рақам харид қилиш учун расмий вакилларга мурожаат қилинг”, - дейилади хабарда.