Британияда бош вазирдан кейин соғлиқни сақлаш вазири ҳам коронавирусга чалинди

Британия соғлиқни сақлаш вазири Мэтт Хэнкок коронавирусга чалинди. Аввалроқ бош вазир Борис Жонсон коронавирусга чалинганини маълум қилганди.

Мэтт Хэнкок / Фото: Reuters

Бу ҳақда Хэнкокнинг ўзи твиттерда маълум қилди. У ҳам Жонсон каби карантинда қолади.

“Шифокор тавсиясига кўра коронавирусга таҳлил топширдим. Таҳлил ижобий чиқди. Яхшиямки, касаллик аломатлари сезиларсиз. Мен уйдан ишламоқдаман ва карантинда қоламан. Соғлиқни сақлаш миллий хизмати тавсияларига амал қилишимиз ҳаётий муҳимдир”, деб ёзган Хэнкок.

Икки кун аввал Британия шаҳзодаси Чарльзда коронавирус аниқлангани маълум қилинганди.

Айни вақтда Британияда коронавирусга чалинганлар сони 14,5 мингдан кўпроқни, вафот этганлар сони 2921 нафарни ташкил қилмоқда.

Тайёрлаган Шуҳрат Раҳимов

#Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.