Эрон парламенти раисида коронавирус аниқланди

Эрон парламенти раиси Али Лорижоний коронавирус юқтириб олди.

Фото: Parstoday

Мамлакат президенти ҳузуридаги жамоатчилик билан алоқалар бошқармаси баёнотига кўра, 62 ёшли мулозимда коронавирус тести ижобий натижа берган. Айни пайтда у карантинга олинган ва даволанишни бошлаган.

Жаҳон соғлиқни сақлаш ташкилоти (БСТ) маълумотига кўра, 2 апрель ҳолатига Эронда коронавирус юқтириб олганлар сони 50 мингдан ошиб кетган. Уларнинг 3 мингдан ортиғи вафот этган. 16 мингдан ортиғи соғайган.

Тайёрлаган Сардор Юсупов

#Эрон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.