Италияда коронавирусга чалинганларни соғайиб кетганлар қони билан даволашмоқда

Италиянинг Павия провинциясида (Ломбардия региони) коронавирусга чалинганларни ундан соғайиб кетганларнинг қон плазмаси (қоннинг суюқ қисми) билан даволаш бошланди.

Фото: AP

Бу ҳақда ANSA ахборот агентлиги хабар берди.

“Баъзи беморлар коронавирусдан соғайганларнинг антитаналарга эга қон плазмасини олишди”, дейилган хабарда.

Таъкидланишича, Павияда биринчилардан бўлиб коронавирусга чалинган эр-хотин шифокор ҳозирда даволанаётган беморлар учун қон донори бўлишган.

Аввалроқ хитойлик шифокорлар соғайиб кетганлар қонида коронавирусга қарши антитаналар топилгани сабабли уни касалларга қуйиш яхши самара беришини маълум қилишганди.

Тайёрлаган Шуҳрат Раҳимов

#Италия #коронавирус #қон плазмаси

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.