Хитой коронавирусга қарши вакцинани бошқа мамлакатларда ҳам синаб кўрмоқчи

Биринчи гуруҳдагилар оз миқдорда, иккинчи гуруҳ ўртача ва учинчи гуруҳ юқори миқдордаги вакцина билан эмланади. Клиник тадқиқотлар йил охирига қадар давом этади.

Фото: Liu Kun / Keystone Press Agency / Global Look

Хитой олимлари янги турдаги коронавирусга қарши вакцинанинг самараси тўғрисида янада аниқроқ натижага эга бўлиш учун уни хорижда синаб кўриш имкониятини кўриб чиқмоқда. Бу ҳақда South China Morning Post нашри хабар берди.

Хитойда янги турдаги коронавирусга қарши вакцинанинг клиник синовлари 16 мартда бошланган. Синовларда 108 нафар кўнгилли иштирок этмоқда. Улар 36 кишидан 3та гуруҳга бўлинган.

Биринчи гуруҳдагилар оз миқдорда, иккинчи гуруҳ ўртача ва учинчи гуруҳ юқори миқдордаги вакцина билан эмланади. Клиник тадқиқотлар йил охирига қадар давом этади. Тадқиқотларнинг биринчи босқичи бошланган.

Респиратор касалликлар бўйича давлат лабораторияси вирусологи Чэнь Линнинг сўзларига кўра, синовларнинг иккинчи ва учинчи босқичлари учун минглаб кишилар керак бўлади ва синовларнинг вирусдан кўп зарарланган мамлакатларда ўтказилиши тезроқ ва аниқроқ натижаларга эга бўлишга ёрдам беради.

Тайёрлаган Дилшод Аскаров

#Хитой #вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.